جيني طليقة أمير طعيمة تعلق على أزمة شيرين عبدالوهاب وتقول رأيها بكل صراحة..!

بعد الأزمة الجديدة للفنانة شيرين عبدالوهاب التي تسبب فيها طليقها حسام حبيب، بسبب تسريبات التسجيلات الصوتية له والتي يشهر فيها بشقيقها، مما جعل الكثير يعلق على هذه الأزمة فعلقت المطربة المعتزلة جيني طليقة الكاتب أمير طعيمة.

نشرت جيني صورة تجمعها بشيرين عبد الوهاب عبر حسابها بموقع Facebook من حفل “روائع الموجي”، وعلقت كاتبة: “كلمتبن حق لوجه الله، شيرين عبد الوهاب من أكثر الشخصيات شوفتها في الوسط الفني طيبة وجدعة وبسيطة، شقيت كتير من طفولتها ومحدش له فضل عليها غير موهبتها ونفسها بل بالعكس لها أفضال على ناس كتير وبدون مقابل، تقريبا أنا الوحيدة اللي هاجمت حسام في أزمتها قدام كل الناس في وقت تقريبا كل الناس كانت بتقول هيتصالحوا وفعلا أتصالحوا بعدها”.

للخبر بقية في الأسفل.. ومن أخبارنا أيضاً:

لهذا السبب.. أنغام توجه رسالة للمطربة سميرة سعيد

بعد نقلها للمستشفى.. لقاء سويدان تكشف تطورات حالتها الصحية

علياء بسيوني: مفيش رجوع بيني وبين أحمد سعد.. وهتباركوله على الجوازة الخامسة قريبا

أحمد سعد يكشف سبب طلاقة من علياء بسيوني

أحمد سعد: علياء هي الزوجة الرابعة لحد دلوقتي.. ومش عاوز اتجوز تاني

محمد أنور: هقدم الكوميدي والرومانسي في فيلم جوازة توكسيك.. وربنا يرزقنا بإيرادات ولاد رزق3 

ويزو تكشف موعد تصوير فيلمها الجديد وتفاصيل شخصيتها.. تفاصيل

ميار الببلاوي: محمد أبو بكر كسرني أنا وابني.. ومش عاوزة اركب التريند زي ما قال البعض

فتوح أحمد يكشف تفاصيل شخصيته في مسلسل إثبات نسب

محمد إمام يوجه رسالة لأبطال فيلم “ولاد رزق 3”

وتابعت: قابلتها السنة اللي فاتت في الرياض في حفلة الموجي في فواصل المطربينـ حسام شافني خرج قالت له بقولك ايه بتحبني وبتدافع عني إلا چيني، وفعلا قلت لها لو موتوا بعض أنا مش هتدخل.

وأضافت: في أزمتي الأخيرة شيرين من القلائل إللي طلبتني وألحت وقالتلي كلام قمر يضحك موت ويبكي في نفس الوقت صحيح ممكن ما نتقابلش كتير بس ممكن نرغي بالساعات في مكالمة كانت بتهزر علي نفسها لأنها كانت أطلقت بالفعل من حسام وسألتها أنتي قاعدة مع مين قالت خلاتي ما تيجي تتعشي معانا، كل ده لازم يتقال في حق واحدة عمري ولا عمرها ما كان لنا مصالح مع بعض بتحبني وبحبها من غير شروط.

واستكملت جيني كاتبة: “هي فعلاً في أزمة وأنا مش عايزة أعرف مين سبب ولا وقت لوم للبنت، بس وبكل أمانة أنا قعدت مع أمها وأختها وأخوها وما شوفتش منهم غير انهم ناس طيبين وعايزينها مبسوطة وعند نفس رأيي اللي يشوف مراته حالتها الصحية والفنية بتدهور كده يبقي سبب لأنه كان لازم يكون له دور لانه ولي آمرها حتي بالعافية وخصوصا إنها بتحبه وأكيد كانت هتسمع كلامه.

واختتمت جيني: أنا شايفة ناس نطت من المركب والبنت بتغرق بدل ما نشد أيد بعض أحنا مصممين نغرق بعض في المواقف دي أنا ما بستأذنش حد أساعده أنا بروح علي طول لكن للاسف أنا لا عارفة هي فين ومع مين، في الاخر البنت دي موهبة كبيرة وقبل الموهبة هي إنسانة

أقفوا جنبها ولو في حد. منقذ يتدخل بأيده بقي بعقل بفلوس بنفوذ بسلطة يخش يخلص، ده اللي أنا بفهمه حد يخش يخلص أو هنصحي يوم نعيط بس كلنا”.

وكان حسام حبيب يتحدث في المحادثات الصوتية المسربة عن أسرة طليقته شيرين عبد الوهاب، مشيرا إلى أنهم آذوها وهم سبب خلافها مع شركة روتانا.

يذكر أن حسام وشيرين ارتبطا في أبريل 2018، وشهدت الحياة بينهما العديد من الخلافات، وانفصلا ثم عادا مرة ثانية في نوفمبر 2022، ثم انفصلا آخر مرة في ديسمبر 2023، ليتم إعلان ارتباط شيرين مؤخرا برجل آخر.