كندة علوش تكشف كواليس صورتها الشهيرة مع زوجها عمرو يوسف

كشفت الفنانة كندة علوش خلال الساعات الماضية عن إصابتها بالسرطان، ومعاناتها في رحلة العلاج بالكيماوي والتي ساندها ودعمها زوجها الفنان عمرو يوسف الذي خفف عنها الكثير في مرحلة علاجها.

قالت كندة علوش: “عمرو يوسف كان داعم كبير لي فترة مرضي، هو أصلا شخص إيجابي جدا، وهو بشكل عام مابيستسلمش للحزن، ومابيسبش نفسه للخوف والقلق والحزن، وكان ماسك بإيدي كل ما يشوفني هقرب يرجعني عشان ما أروحش في السكة دي”، حسب تصريحاتها مع منى الشاذلي.

للخبر بقية في الأسفل.. ومن أخبارنا أيضاً:

“انفعلت بوقاحة شديدة فطردها المخرج على الفور”.. هذه هي اللقطة التي تسببت بطرد الاعلامية السودانية تسابيح مبارك!

ماجي بوغصن تكشف عن تعرضها للخيانة والعنف من هذا الشخص..!

بلقيس تعلق على مشاركتها في مهرجان “موازين”

تعرف على موعد حفل تامر حسني الغنائي المقامة في الرياض..!

“ستنهدم بيوتكم استعدوا للخروج”.. العرافة ليلى عبد اللطيف تطلق توقعات صادمة وترعب الجمهور!

قبل عرضه في دور العرض السينمائي.. تعرف على ابطال فيلم “الهوى سلطان”

خبيرة الأبراج إيمان خير تتوقع هذا الحدث لـ لقاء سويدان بعد أزمة مرضها المفاجئ

تعرف على تفاصيل شخصية منى زكي في فيلمها الجديد “رزق الهبل”

حنان مطاوع توجه رسالة لكندة علوش بعد إصابتها بالسرطان

“الحمد لله الحفل رفع شعار كامل العدد”.. احمد سعد يبدي سعادته بالغناء في مهرجان موازين بالمغرب.. !

وتابعت كندة علوش: عمرو كان معايا في كل رحلات العلاج والجلسات وفي كل حاجة، وفي الكلام لما نيجي نتكلم، هو كان عايزني ابقى سعيدة، هو كان بيخفف عني نتفرج على فيلم دم خفيف، ولما يشوفني محتاجة اتكلم يسمعني، بس مايسبنيش استغرق في حالات الخوف أو الحزن، وجود شريك إيجابي وداعم وهو بطبيعته، لما بيكون عنده في الشغل مشاكل مابيرجعش البيت معه مشاكل، بيرجع بابتسامة ويقول لي أنا زي الفل، ربنا يخليه ويديمه، أنا كنت شخص أكثر حساسية وشخص ممكن يكون ميال للحزن، وأنا اتعلمت منه ازاي اتعامل مع الأزمات لو سميناها أزمات، وعلمني ازاي اتعامل بإيجابية ونشوف ربنا بعد الأزمة دي هيدينا حاجة حلوة.

وعن انتشار فيديو لها وهي تستند في أحضان زوجها على السجادة الحمراء في مهرجان فينيسيا، قالت: “كان قبل اكتشافي المرض، كنت رايحة المهرجان تعبانة من الولادة، كنت لسه والدة كريم بكم شهر، ورايحة لسه بالوزن الزائد من الولادة والتعب وتجربتي الصعبة، ومكنتش عايزة اسافر، بس كان فيلم (نزوح) اللي بحبه جدا، كان لنا الحظ أنه معروض فيه وهو مهرجان كبير، وقولت مش هسافر، وعمرو قال لي (أنتِ هبلة)، قولت له (هسيب ابني ازاي)، قال لي (لا هتروحي وهروح معك، ويومين بالضبط وهتشوفي ازاي السفرية دي هتفرق معاكِ)”.

واضافت: العرض كان ساحر، والجمهور تواصل مع الفيلم بشكل رائع، وكنت ماشية على السجادة الحمراء تعبانة ومش قادرة ومش جاهزة، وعمرو حبيبي كان واقف ورا الناس بيصورني، فقولت له (تعالى اقف معايا)، وجيه، وبشكل طبيعي مش واخدة بالي خالص، ميلت كدة على صدره وغمضت عيني، وصحفي أحبه صور المشهد، ونزل الفيديو، وانتشر، كنت تعبانة وسندت على حد بحبه.

أما عن الانتقادات عن وزنها الزائد، قالت كندة علوش: “كنا في المصيف واتصورت عادي في عز مرحلة العلاج الكيماوي، اللي هو الواحد متنفخ وبشرته تعبانة وشعره خف، وكل الأعراض، الفترة دي كنت بحاول ماتصورش واتصورت، ولما نزلت الصورة وفيه مواقع وأاشخاص للأسف (شاهد كندة علوش بعد اكتسابها الوزن)، والتعليقات كانت هي أوحشت ليه وأهملت نفسها ليه، كان في تنمر حقيقي وكلام قاسي ومش لطيف، وفيه ناس لما الصورة انتشرت قالوا لي أحط الصورة وأقول أنا عندي كذا، قولت لهم لا أنا مش هخلي ناس بتتكلم بشكل وحش مش هخليهم يغيروا مسار حياتي ويهزوا ثقتي في نفسي وأغير رأيي، ومكنتش مبسوطة واتضايقت وأنا أصلا مكنتش مبسوطة بشكلي، ولسه عايزة اخس.

وأضافت: الموضوع دا علمني حاجة من ضمن الحاجات الكتير، منها نبطل نستسهل الحكم على الناس لأن مانعرفش ظروفهم ايه، احنا مانعرفش كل انسان فيه وراه إيه.

وكانت كندة علوش أعلنت إصابتها بسرطان الثدي بعد إنجابها لابنها الثاني كريم بتسعة أشهر.